Forrights.am-ին հայտնի է դարձել սահմանապահ զորքերի ժամկետային զինծառայող Կարեն Դանիելյանի մահվան մասին։Այսօր տեղի է ունեցել նրա հոգեհանգիստը։ Կարեն Դանիելյանը Հրազդան քաղաքից է, 6 ամսվա ծառայող։Նշենք, որ դեպքի վերաբերյալ ԱԱԾ֊ն հաղորդագրություն չի տարածել։ Forrights.am-ը փորձեց ԱԱԾ֊ից մանրամասներ ճշտել, սակայն, իրավապահ կառույցի մամուլի կենտրոնի պատասխանատուն մեր զանգերին չպատասխանեց։
Իսկ ահա Քննչական կոմիտեից փոխանցեցին` ծառայության կրման վայրում դեկտեմբերի 14-ին հայտնաբերվել է ժամկետային զինծառայող Կ․ Դանիելյանի դին։ Տվյալ պահին առկա տվյալների հիման վրա ՀՀ քրեական օրենսգրքի 522-րդ հոդվածի 1-ին մասի հատկանիշներով նույն օրը նախաձեռնվել է քրեական վարույթ և սկսվել է նախաքննություն։
Վերջինիս շրջանակներում ձեռնարկվել են քննչական և վարութային ծավալուն գործողություններ՝ դեպքի հանգամանքները համակողմանիորեն պարզելու նպատակով։ Կատարվածի վերջնական իրավական գնահատականները կտրվեն օբյեկտիվ, բազմակողմանի քննության արդյունքներից ելնելով։
Նշենք, որ այս հոդվածն առնչվում է անզգուշությամբ ինքնասպանության հասցնելուն։
ՔԿ֊ից գործով անցնող անձանց վերաբերյալ տեղեկություն չտարամադրեցին։
Նարեկ Կիրակոսյան
Նարեկ Կիրակոսյան
Նարեկ Կիրակոսյանը լրագրող է, աշխատում է «մարդը բացարձակ արժեք է» սկզբունքով։