Երեկ տեղի ունեցած երկրաշարժից ոչ մի փլուզում կամ ավերվածություն չկա

79

Երկրաշարժից ոչ մի փլուզում կամ ավերվածություն չկա, խնդրում ենք՝ հետևեք պաշտոնական լրահոսին։ Այս մասին իր ֆեյսբուքյան էջում գրել է ԱԻՆ խոսնակ Աննա Բաղդասարյանը։

«Անի թաղամասում շենքի փլուզման մասին տեղեկատվությունը չի համապատասխանում իրականությանը»,- հավելել է նա։

Հիշեցնենք, որ երեկ՝ ժամը 22:25-ին, Վրաստան-Հայաստան՝ Բավրա քաղաքից 16 կմ հյուսիս-արևելք, օջախի 10 կմ խորությամբ, 5.2 մագնիտուդով երկրաշարժ է գրանցվել: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: Երկրաշարժը զգացվել է Շիրակի, Լոռու, Արագածոտնի մարզերում 4-5 բալ ուժգնությամբ և Երևան քաղաքում 3 բալ ուժգնությամբ: