ՀՀ-ում վերջին 3 ամսվա մեջ գրանցվել է կորոնավիրուսով վարակման ամենաբարձր ցուցանիշը՝ 1024 դեպք

73

Հայաստանում մարտի 18-ի ժամը 11:00-ի դրությամբ հաստատվել է կորոնավիրուսային հիվանդության 1024 նոր դեպք, առողջացել է 273 քաղաքացի, մահացել է՝ 19-ը: Մեկ օրում կատարվել է 4687 թեստավորում: Թեստավորման ընդհանուր թիվն այսպիսով հասել է 788953-ի:

Այս մասին նշված է ՀՀ առողջապահության նախարարության  հիվանդությունների վերահսկման և կանխարգելման ազգային կենտրոնի կայքում:

Հաստատվել է կորոնավիրուսային հիվանդության ընդհանուր  181165 դեպք, որոնցից 167186-ն առողջացած, 3301-ը՝ մահվան ելքով: Կորոնավիրուսային հիվանդությամբ այս պահին փաստացի բուժում է ստանում 9830 պացիենտ:

 Նախորդ օրն արձանագրվել է մահվան 7 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 848 է: