Նոյեմբերի 23-ին, կառավարության նիստում ԿԳՄՍ նախարար Ժաննա Անդրեասյանն ասել է. «Մենք հոկտեմբերի 12-ին որոշում էինք ընդունել կրթաթոշակային ծրագիր մեկնարկել թե բուհերի, թե քոլեջների՝ ԼՂ-ից բռնի տեղահանված ուսանողների համար: Այս որոշմամբ հտկացնում ենք արդեն համապատասխան գումարները: Մասնավորապես բուհական մակարդակում 1836 ուսանողների տվյալներ են նույնականացվել: Սրանք ԼՂ-ից բռնի տեղահանված այն ուսանողներն են, որոնք իրենց կրթությունը շարունակում են մեր բուհերում: Այս որոշմամբ մենք նրանց հատկացնում ենք կրթաթոշակ 2023-2024 ուսումնական տարվա առաջին կիսամյակի ուսման ցվարձի չափով, որը կազմում է 440 մլն դրամ: Նաեւ հատկացնում ենք միջոցներ քոլեջային մակարդակում կրթություն ստացող շուրջ 2524 ուսանողների համար, էլի շուրջ 402 մլն դրամի չափով: Այս ուսնաողներն արդեն ընդգրկված են կրթության պրոցեսում, մենք հիմա լուծում ենք միայն ֆինանսավորման հարցը»:
Նախարարը հվելեց, որ սա վերաբերում է ԼՂ-ից բռնի տեղահանված բոլոր ուսանողներին. «Եթե կինեն ուսանողներ, որոնք մինչեւ այս պահը ընդգրկված չեն եւ այս ընթացքում լրացուցիչ տվյալներ ի հայտ կգան, ապա լրացուցիչ որոշում կկայացվի նրանց մասով»:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: