Freedom House միջազգային իրավապաշտպան կազմակերպությունն իր անհանգստությունն է հայտնել Ադրբեջանի կողմից հայկական բնակավայրերը հրետակոծելու լուրերով։ «Մեզ անհանգստացնում են տեղեկություններն այն մասին, որ այս գիշեր ադրբեջանական զինուժը ինտենսիվ հրետակոծության է ենթարկել հայկական բնակավայրերը՝ Գորիսը, Ջերմուկը, Վարդենիսը և Սոթքը: Մենք կոչ ենք անում երկու կողմերին անհապաղ դադարեցնել կրակը և գտնել խաղաղ լուծում», — նշվում է կազմակերպության Twitter-ի էջում հրապարակված հայտարարության մեջ:
Նշենք, որ Ադրբեջանի զինված ուժերը սեպտեմբերի 13-ի կեսգիշերն անց հրետանային միջոցների ու ԱԹՍ-ների կիրառմամբ ինտենսիվ կրակ են բացել հայ-ադրբեջանական սահմանի միանգամից մի քանի հատվածներում տեղակայված հայկական դիրքերի ուղղությամբ: Իրավիճակը ժամը 04։00–ի դրությամբ՝ շարունակում է մնալ ծայրահեղ լարված։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: