«Սուրմալու» առևտրի կենտրոնում տեղի ունեցած պայթյունից հետո տարբեր մարմնական վնասվածքներով բժշկական կենտրոններ են տեղափոխվել կամ դիմել 62 քաղաքացի։ Այս մասին կառավարության նիստում ասաց առողջապահության նախարար Անահիտ Ավանեսյանը։
Նրանցից 58-ը առողջացումով դուրս են գրվել, այսօր 4 քաղաքացի է գտնվում բուժհիմնարկներում, նրանց վիճակը գտնվում է բավարար։
«Հիմնականում վնասվածքները եղել են կոտրվածքներ, բեկորային, այրվածքներ, նրանց մեծ մասը, հենց առաջին օրը տեղում ստանալով առաջին բուժօգնությունը, ուղարկվել են տուն»,- ասաց նախարարը։
Ավանեսյանի խոսքով՝ բուժօգնությունը, վիրահատությունները ամբողջությամբ իրականացվել են պետպատվերի շրջանակներում։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: