Մրցակցության պաշտպանության հանձնաժողովը մշակել և հաստատել է Տեսալսողական մեդիայի ոլորտում տեսալսողական ծրագրերի դիստրիբյուտորների և ցանցային օպերատորների վարքագծի կանոնների վերաբերյալ ուղեցույցը․ տեղեկացնում են ՄՊՀ-ից։
«Ուղեցույցով ներկայացվում են տեսալսողական մեդիայի ոլորտում տեսալսողական ծրագրերի դիստրիբյուտորների և ցանցային օպերատորների վարքագծի կանոնների, մասնավորապես՝ տեսալսողական ծրագրերի տարածման իրավունքի տրամադրման շրջանակում վարվող գնային քաղաքականության և պայմանագրային դրույթների հետ կապված հարաբերությունները։
Դիստրիբյուտորները և ցանցային օպերատորները տնտեսական մրցակցության օրենսդրության պահանջներին համապատասխան գործունեություն ծավալելու նպատակով յուրաքանչյուր տարի՝ մինչև հունվարի 15-ը ներառյալ, իսկ սույն ուղեցույցի ընդունումից հետո առաջին անգամ հրապարակելու դեպքում մինչև 2022 թվականի հունիսի 15-ը հրապարակում են յուրաքանչյուրի մասով ուղեցույցով սահմանված տեղեկատվությունը: Հանձնաժողովը ցանցային օպերատորի կողմից սույն ուղեցույցում բարձրացվող հարցերի վերաբերյալ հաղորդում ստանալու դեպքում, վարույթ հարուցելու հարցը քննարկելիս հաշվի է առնում ուղեցույցով սահմանված տեղեկատվությունը վերջինիս կողմից հրապարակած լինելու հանգամանքը։ Մյուս կողմից, իրականացվող վարույթների շրջանակներում Հանձնաժողովը ուղեցույցով սահմանված տեղեկատվությունը դիստրիբյուտորների կողմից չհրապարակելը կարող է դիտարկել որպես իրավախախտման փաստը հաստատող լրացուցիչ ապացույց»,- ասված է հաղորդագրությունում։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: