Հռոմի Ֆրանցիսկոս պապը խստորեն դատապարտել է Բուչայում խաղաղ մարդկանց կոտորածը։ Նա բարձարցրել է Ուկրաինայի կապույտ-դեղին դրոշը, որը ստացել է Բուչայից:
«Այս դրոշը պատերազմից է, նահատակված ավան Բուչայից, այստեղ են նաև ուկրաինացի երեխաներն, ովքեր երեկ բերել են դրոշը, եկեք ողջունենք նրանց և միասին աղոթենք», — ասել է նա։
Հռոմի պապի խոսքով՝ աշխարհը ցանկանում է Ուկրաինայից ստանալ լուրեր, որոնք թեթևացում և հույս կբերեն, բայց փոխարենը լսում է կոտորածների և դաժանության մասին հաղորդագրություններ:
«Վայրագություններ անօգնական կանանց ու երեխաների նկատմամբ։ Նրանք այս արյունահեղության զոհերն են, նրանց անմեղ արյունը բարձրանում է երկինք և այնտեղից աղաչում՝ «Վե՛րջ տվեք պատերազմին, վայր դրեք զենքը, վերջ տվեք մահ ու ավեր տարածելուն», — ասել է Հռոմի պապը:
Կաթոլիկ քահանայապետը Վատիկանում իր նստավայրում ուկրաինացի երեխաներին է ընդունել ապրիլի 17-ին նշվելիք Զատկի կապակցությամբ:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: