Ուկրաինայի նախագահ Վլադիմիր Զելենսկին Գերմանիայի նախկին կանցլեր Անգելա Մերկելին և Ֆրանսիայի նախկին նախագահ Նիկոլա Սարկոզիին հրավիրել է այցելել Կիևի շրջանի Բուչա քաղաք։
Առաջարկն արվել է Բուչայի փողոցներում տասնյակ սպանված քաղաքացիական անձանց լուսանկարների և տեսանյութերի հրապարակումից հետո:
Ուկրաինական կողմը պնդում է, որ լուսանկարներում պատկերված մարդիկ սպանվել են ռուս զինվորականների կողմից, Զելենսկին Ռուսաստանին մեղադրում է «ցեղասպանություն» իրականացնելու մեջ։
Ռուսաստանը հերքում է, որ իր ուժերը պատասխանատու են Բուչայում խաղաղ բնակիչների մահվան համար, և հայտարարում է, թե Ուկրաինան շոու է ցուցադրում արևմտյան լրատվամիջոցների համար:
Այս հարցով Ռուսաստանն այսօր ՄԱԿ-ի Անվտանգության խորհրդի նիստ է հրավիրել:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: