Երբ ՀՀ-ն մերժեց Թուրքիայի և Ադրբեջանի առաջարկը՝ կնքել խաղաղության պայմանագիր, շրջանցելով ԵԱՀԿ Միսկի խումբը, իսկ արցախահայության հարցը թողնել ռուս-ադրբեջանական հարաբերություններին: Թուրքիան և Ադրբեջանն այդ մերժումը ստանալով անցան ռազմական գործողությունների: Արցախում տեղի ունեցող ռազմական գործողությունների վերաբերյալ նշում է քաղաքագետ Անդրիաս Ղուկասյանը:
«Ադրբեջանը նոյեմբերի 9-ի հայտարարությունը համարում է չեղարկված և հիմա մենք ինչ տեսնում ենք ռազմական գործողությունների սկիզբն է: Ադրբեջանը նpատակ ունի Ասկերանի ուղղությամբ իշխող բարձրունքներ վերցնել»,- ասում է քաղաքագետը:
Այսօր հայտնի դարձավ, որ Փառուխ գյուղն Ադրբեջանի վերահսկողության տակ է անցել Արցախում խաղաղապահ առաքելություն իրկանացնող ռուսական զորախմբի առաջարկած սցենարի հետևանքով: Բանն այն է, որ ռուսական կողմն առաջարկել է կողմերին դիրքերը հետ քաշել, ինչն իրականացվել է հայկական կողմից, իսկ ադրբեջանական կողմը հետ գնալու փոխարեն առաջ է եկել:
«Ռուսաստանը հիմա կանգնած է բարդ ընտրության առաջ՝ մտնել պատերազմի մեջ Ադրբեջանի հետ, թե զսպել այդ ծրագիրը, որ Ադրբեջանն ու Թուրքիան իրականացնում են: Թուրքիան և Ադրբեջանը գնում են Արցախը ռազմական ճանապարհով գրավելուն: ՌԴ-ն փորձում է խուսափել պատերազմից և ադրբեջանական կողմի համար զիջումների է գնում»,-ասում է Անդրիաս Ղուկասյանը:
Քաղաքագետի խոսքով՝ սա մի գյուղի շուրջ ստեղծված խնդիր չէ, այլ ավելի լայն է: «Թուրքիան և Ադրբեջանը որոշել են պատերազմը վերսկսել Արցախում: Ադրբեջանը շարժվում է առաջ, իսկ ՀՀ ղեկավարությունը հույս ունի, որ այս մենը կարելի է բարդել ՌԴ-ի վրա՝ ադեկվատ գնահատականներ չի տալիս, որ սա պատերազմի վերսկսման փուլն է: ՌԴ-ն եթե չկարողանա երկու ճակատով պատերազմ վարել՝ Արցախում և Ուկրաինայում, այդ դեպքում Հայաստանը կհայտնվի շատ լուրջ խնդրի առջև: Ինչպես ապահովել ագրեսիայի դեմ պայքարը»,- ասաց նա:
Նարեկ Կիրակոսյան
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: