Փետրվարի 24-ին Վլադիմիր Պուտինը Մոսկվայի ժամանակով առավոտյան ժամը 5:30-ին հայտարարեց Ուկրաինայում «հատուկ ռազմական գործողության» և «երկրի ապազգայնացման» մասին։
Փետրվարի 28-ին 03.00–ի սահմաններում ռուսական բանակը վերսկսել է հարձակումը Կիևի վրա. կրկին պայթյուններ են լսվել Խարկովում։ Սպասվում է ռուսական բանակի գրոհը Խերսոն և Նիկոլաև քաղաքներում։
📍 Դոլարի փոխարժեքը Մոսկվայի բորսայում առուվաճառքի սկզբում բարձրացել է մինչև 90 ռուբլի, եվրոյի փոխարժեքը՝ 101,19 ռուբլի։ Սրանք բոլոր ժամանակների ամենաբարձր ցուցանիշներն են:
📍 Ռուբլու փոխարժեքը ՀՀ–ում հասել է մինչև 2.50 դրամի։
📍 ՄԱԿ-ի Անվտանգության խորհուրդը տասնամյակների ընթացքում առաջին անգամ քվեարկել է փետրվարի 28-ին Ուկրաինայի հարցով ՄԱԿ-ի Գլխավոր ասամբլեայի արտակարգ նիստ անցկացնելու օգտին։
📍 Ուկրաինան ճանաչել է Բերդյանսկի նկատմամբ վերահսկողության կորուստը։ Բոլոր վարչական շենքերը անցել են ռուսական զորքերի վերահսկողության տակ, այս մասին հայտնել է քաղաքապետ Ալեքսանդր Սվիդլոն։
📍 Չեռնիգովում հրթիռը խոցել է բնակելի շենք, հայտնել են Ուկրաինայի հատուկ հաղորդակցությունների պետական ծառայությունից։
https://t.me/dsszzi_official/1242
📍 Ուժի մեջ են մտել ԵՄ պատժամիջոցները՝ փակել երկինքը ռուսական ինքնաթիռների համար և սառեցնել Կենտրոնական բանկի ակտիվները։
📍 Ռուսաստանի և Ուկրաինայի պատվիրակությունների միջև բանակցությունները պետք է տեղի ունենան փետրվարի 28-ի առավոտյան։
📍 Եվրամիությունը հավանություն է տվել Ռուսաստանի դեմ նոր պատժամիջոցներին՝ ներառյալ ռուսական որոշ բանկերի SWIFT-ից անջատելը, RT-ի և Sputnik-ի հեռարձակման արգելքը և «սև ցուցակի» ընդլայնումը։ Ավստրալիան պատժամիջոցներ է սահմանել Պուտինի և ռուս բարձրաստիճան պաշտոնյաների դեմ։ Կիպրոսը փակել է իր օդային տարածքը Ռուսաստանի համար։
📍 Վլադիմիր Պուտինը պաշտպանության նախարար Շոյգուի և Գլխավոր շտաբի պետ Գերասիմովի հետ հանդիպման ժամանակ հրամայել է ուժերը, այդ թվում՝ միջուկային զենքը, տեղափոխել մարտական հերթապահության հատուկ ռեժիմի։
📍 ՖԻՖԱ-ն հայտարարեց Ռուսաստանին իր տարածքում բոլոր խաղերից, դրոշից ու օրհներգից զրկելու մասին։
📍 Զելենսկին ասել է, որ Ուկրաինան պաշտոնապես հայց է ներկայացրել Ռուսաստանի դեմ Հաագայի միջազգային դատարանում։
📍 Ռուս զինվորականներն ասում են, որ Ուկրաինայի մայրաքաղաքի բնակիչները ցանկության դեպքում կարող են օգտագործել անվտանգ միջանցք՝ քաղաքը լքելու համար:Ռուսաստանի պաշտպանության նախարարության խոսնակ, գեներալ-մայոր Իգոր Կոնաշենկովը երկուշաբթի ասել է, որ Կիևի բնակիչները կարող են անվտանգ օգտվել Վասիլկով տանող մայրուղուց։ Հայտարարությունը հնչել է այն ժամանակ, երբ Ուկրաինայի մայրաքաղաքի տարբեր հատվածներում մարտեր են ընթանում, իսկ ուկրաինական իշխանությունները հայտարարել են, որ իրենք կռվում են ռուսական ուժերի փոքր խմբերի դեմ մայրաքաղաքի տարբեր հատվածներում:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: