Վարչապետը մեկնել է Բրյուսել․ նախատեսված է Փաշինյան-Շառլ Միշել-Ալիև եռակողմ հանդիպում

by Journalists for Human Rights | Դկտ 14, 2021 | Իրադարձություն

Վարչապետ Նիկոլ Փաշինյանը երկօրյա աշխատանքային այցով մեկնել է Բրյուսել։ Այս մասին հայտնում են ՀՀ վարչապետի աշխատակազմից։

«Նիկոլ Փաշինյանը Բրյուսելում կմասնակցի Արևելյան Գործընկերության վեցերորդ գագաթնաժողովին։ Միջոցառման շրջանակում նախատեսվում են ՀՀ վարչապետի երկկողմ հանդիպումներ եվրոպական գործընկերների հետ։

Վարչապետը նաև առանձնազրույց կունենա Եվրոպական խորհրդի նախագահ Շառլ Միշելի հետ։

Բրյուսելում նախատեսվում է Հայաստանի Հանրապետության վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը»,- նշված է պաշտոնական հաղորդագրության մեջ։

Հիշեցնենք, որ դեռեւս նոյեմբերի 19-ին ՀՀ և Ադրբեջանի առաջնորդները Շառլ Միշելի հետ հեռախոսազրույցներում պայմանավորվել էին հանդիպել Բրյուսելում։

Journalists for Human Rights

___

Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:

Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով:

Pin It on Pinterest