Մարդու իրավունքների եվրոպական դատարանը (ՄԻԵԴ) որոշեց, որ Ռուսաստանը պատասխանատու է ռուսական հատուկ ծառայությունների նախկին աշխատակից Ալեքսանդր Լիտվինենկոյի սպանության համար և նրա կնոջը պետք է 100 հազար եվրո փոխհատուցում վճարի, ինչպես նաև փակի դատական ծախսերը։
Լիտվինենկոյի այրին դատարան էր դիմել դեռ 2007 թվականին՝ ամուսնու մահից մեկ տարի անց։
Դատարանի կայացրած որոշման մասին մամուլի հաղորդագրությունը ՄԻԵԴ-ի կայքում տեղադրվել է այսօր։ Եվրոպական դատարանը գտել է, որ Ռուսաստանը խախտել է Լիտվինենկոյի կյանքի իրավունքը, ինչպես նաև չի ապահովել նրա մահվան հանգամանքների պատշաճ քննությունը։
Լիտվինենկոն 2006-ին Բրիտանիայում թունավորվել էր ռադիոակտիվ նյութով։ Դատարանը եզրակացրել է, որ նրան թունավորելու մեջ կասկածվող Անդրեյ Լուգովոյը և Դմիտրի Կովտունը կարող էին գործել որպես Ռուսաստանի իշխանությունների գործակալներ։
Դատարանը հիմնվել է բրիտանական հետաքննության վրա՝ նշելով, որ բրիտանական վարկածը հերքելու համար Ռուսաստանը համոզիչ պարզաբանումներ չի ներկայացր
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: