Գեղարքունիքում ծանր վիրավորված ժամկետային զինծառայող Արման Աթեսյանի կյանքին այլևս վտանգ չի սպառնում:
Այդ մասին Հանրային հեռուստաընկերության եթերում տեղեկացրել է ՀՀ ԶՈւ ռազմաբժշկական վարչության պետ, գնդապետ Սահակ Օհանյանը։ Աթեսյանի վիրահատել են, նրա երիկամն են հեռացրել։
Նա արդեն ինքնուրույն է շնչում, արհեստական շնչառության սարքն անջատված է։ Ժամկետային զինծառայողը գիտակցության է եկել։
Հիշեցնենք, որ Արման Աթեսյանը ծանր վիրավորվել էր հուլիսի 23-ին, երբ Ադրբեջանի զինված ուժերը կրակ էին բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ։ Ադրբեջանական կողմի հերթական սադրանքի արդյունքում սկսված ինտենսիվ փոխհրաձգության հետևանքով հրազենային վիրավորում է ստացել ՀՀ ԶՈւ 3 զինծառայող։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: