«Բոլոր պաշտոններում անփոխարինելի լինելը անլրջացնում է իրավիճակը». իրավապաշտպանը Քյարամյանի նշանակման մասին

72

Նիկոլ Փաշինյանի իշխանության երեք տարիների ընթացքում ՊՎԾ պետի օգնականի, տեղակալի, պետի պաշտոնակատարի, այնուհետ երկու անգամ ՔԿ նախագահի տեղակալի, ԱԱԾ տնօրենի տեղակալի, ԱԱԾ տնօրենի պաշտոնները զբաղեցրած Արգիշտի Քյարամյանը  հուլիսի 12-ին կառավարության արտահերթ հրավիրված նիստում այս անգամ էլ նշանակվեց  Քննչական կոմիտեի նախագահ:

Նիկոլ Փաշինյանը դեռ պարզաբանումներ չի ներկայացրել 44-օրյա պատերազմի 10-րդ օրը՝ հոկտեմբերի 8-ին, ինչ պատճառով Արգիշտի Քյարամյանին ազատեց ԱԱԾ տնօրենի պաշտոնից: Ուշագրավ է, որ Քյարամյանի պաշտոնակությունից րոպեներ առաջ Նիկոլ Փաշինյանը հայտարարել էր, որ առաջնագծի հատվածներից մեկում ինչ-որ մարդիկ գնացել կռվող զինվորներին համոզել են, թե «Նիկոլը հողերը ծախել է, թե սա իրականում պայմանավորված պատերազմ է, ձեզ էստեղ բերել-մսաղացի մեջ են գցել, որ կոտորեն, որ պայմանավորվածությունը չերևա, դիրքերը պահելը իմաստ չունի»:

Թե արդյոք ԱԱԾ-ն չորս ամիս ղեկավարած Արգիշտի Քյարամյանի պաշտոնանկությունը կապ ունե՞ր վարչապետի այս բացահայտման հետ, իշխանությունները որեւէ կերպ չեն մեկնաբանել: Փաշինյանն այժմ էլ չի հիմավորում, թե ինչու ՔԿ նախագահի պաշտոնում Հայկ Գրիգորյանին փոխարինեց Արգիշտի Քյարամյանով:

Քաղհասարակության ներկայացուցիչ, իրավապաշտպան Նինա Կարապետյանցը սուր քննադատում է իշխանություններին նշանակումները եւ պաշտոնակություններն առանցքային կառույցներում չհիմանվորելու համար:

«Անընդունելի է, որ հատկապես իրավական ոլորտում պաշտոնակություններ եւ նշանակումներ են լինում, իսկ մենք չենք իմանում պատճառները: Հասկանալի չէ եւ ընդունելի չէ, որ պարբերաբար տարբեր պաշտոնների նշանակված եւ ազատված Արգիշտի Քյարամյանին նշանակում են նոր պաշտոնի: Չգիտենք՝ նա ժամանակին վա՞տ էր կատարել աշխատանքը, եթե վատ էր կատարել եւ դրա համար էին ազատել, հիմա նշանակումն ինչ իմաստ ու բովանդակություն ունի:

Բոլոր պաշտոններում անփոխարինելի լինելը անլրջացնում է իրավիճակը: Ինքը՝ Քյարամյանը, պետք է հասկանա, որ չի կարող բոլոր կառույցների համար ընդունելի ղեկավար: Իրենք հարգող պաշտոնյան չի կարող թույլ տալ նման ստատուս, որ  իր նկատմամաբ կիրառվի պարբերաբար»,- ասում է Նինա Կարապետյանցը:

Իրավապաշտպանները ՔԿ-ի աշխատանքից մշտապես դժգոհել են՝ հայտարարելով, որ կոծկվում են հանրային հնչեղություն ունեցող գրեթե բոլոր գործերը: Հեղափոխությունից հետո հույս կար, որ ի թիվս այլ աղմկահարույց գործերի բացահայտումներ կլինեն նաեւ խաղաղ պայմաններում մահացած զինվորների դեպքերով: Երեք տարի անց որեւէ առաջընթաց չկա: Նինա Կարապետյանցը շշետում է՝ ՔԿ-ում, ոչ թե նախագահի փոփոխություն է անհրաժեշտ, այլ՝ զտում, քրգործերը տեղից շարժելու համար:

«ՔԿ-ում անհրաժեշտ էր կատարել զտում, որը ցավոք ստրի այդպես էլ չկատարվեց: Հեղափոխությունից անմիջապես հետո ՔԿ-ում ստեղծվել էր հանձնաժողով, որը պետք է ուսումնասիրեր խաղաղ պայմաններում սպանված զինվորների գործերը, բայց մենք այդ գործողությունների արդյունքերը չտեսանք: Արդյունքներն այնքան զրոյական էին, որ վարչապետին կից ստեղծվեց առանձին խումբ: Մյուս գործերով եւս դրական տեղաշարժ չակ, վերցրեք Ամուլսարի գործը»,- նշում է իրավապաշտպանը:

Ինքը՝ Քյարամյանը, քննադատություններին զուգահեռ հավաստիացնում է, որ իր կատարած աշխատաքնի արդյունքները տեսանելի են լինելու: «Ամեն ինչ արվելու է, որպեսզի Քննչական կոմիտեի առջև ծառացած խնդիրները լուծվեն արագ և արդյունավետ»,- կառավարության նիստին հայտարարել է 30-ամյա պաշտոնյան:

Նինա Կարապետյանցը Քյարամյանի այս խոստմանը վերապահումներով է մոտենում: «Այնպե՞ս է պատրաստ լուծել խնդիրները, ինչպես ԱԱԾ-ում լուծե՞ց: Լավ կլինի, որ պարոն Քյարամյանը ներկայացնի, թե այս պաշտոնները զբաղեցնելով որ ոլորտում ինչ փոփոխություններ է կարողացել իրականացնել: Եթե հարց լուծող տղա էր, ինչն էր խանգարում նրան խնդիրները լուծեր ԱԱԾ-ում: Ես չգիտեմ՝ նա կլուծի՞, թե՝ ոչ, բայց նախկինում որտեղ ինքը պաշտոն է զբաղեցրել եւ այնտեղ որեւէ դրական փաստ չի եղել, փաստ է»,- ասում է նա:

Փաստաբան Ռոբերտ Ռեւազյանն էլ շեշտում է, որ եթե Քննչական կոմիտեում փոփոխություններ տեղի ունենան, ապա կառույցի ղեկավարի ընթացակարգը պետք է փոփոխության ենթարկվի:

«Ոչ թե մեկ անձի կողմից պետք է նշանակվի, այլ կողմ եմ, որ նշանակումը լինի Ազգային ժողովի կողմից: Պետք է այդ պաշտոնյայի անկախության հարցն ապահովել, ընդ որոում, ԱԺ-ի որակյալ մեծամասնության կողմից պետք է ընտրվի: Ես ակնկալիք չունեմ, որ որեւէ անձի փոփոխությամբ ՔԿ-ում լուրջ փոփոխություն կլինի»,- ասաց Ռեւազյանը:

Ըստ Ռոբերտ Ռեւազյանի, ՔԿ-ն այսօր օբյեկտիվ գործելու խնդրի առաջ է կանգնած: « ՔԿ-ն պետք է քաղաքական պատվերներ չկատարի: Օրենքը պետք է հավասար լինի եւ իշխանության, եւ ընդդիմության համար»»,- ասաց նա:

Նարեկ Կիրակոսյան