Ըստ նախնական արդյունքների՝ խորհրդարանը բաղկացած կլինի 105 պատգամավորից և կունենա հետևյալ տեսքը`
«Քաղաքացիական պայմանագիր» կուսակցություն — 72 մանդատ
«Հայաստան» դաշինք — 27 մանդատ
«Պատիվ ունեմ» դաշինք — 6 մանդատ
ՀՀ վարչապետի պաշտոնակատար, «Քաղաքացիական պայմանագիր» կուսակցության նախընտրական ցուցակը գլխավորող Նիկոլ Փաշինյանը «Թվիթեր»-ի իր միկրոբլոգում գրել է, որ նորընտիր խորհրդարանում իրենց ուժը կունենա սահմանադրական մեծամասնություն և իր գլխավորությամբ կձևավորվի կառավարություն:
Հիշեցնենք, որ ԿԸՀ-ի տվյալների համաձայն՝ հունիսի 20-ի ժամը 20:00-ի դրությամբ մասնակցել է 1 միլիոն 281 հազար 174 ընտրող`49.4 տոկոսը։Կուսակցությունների համար անցողիկ շեմը 5-ն է, իսկ դաշինքների համար՝ 7 տոկոսը։
53.92 տոկոսով առաջատար է «Քաղաքացիական պայմանագիր» կուսակցությունը: «Հայաստան» դաշինքը ստացել է ընտրողների 21.04%, «Պատիվ ունեմ» դաշինքը՝ 5.23% ձայները:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: