Երևանի բնակիչ Վ.Վ.-ն Շ. Դ.-ի հետ նախնական համաձայնությամբ ԱԺ արտահերթ ընտրություններին մասնակցող կուսակցությունների դաշինքի օգտին կողմ քվեարկելու համար նույն վարչական շրջանի մի խումբ ընտրողների հունիսի 3-ից 11-ն ընկած ժամանակահատվածում առաջարկել և տվել է տարբեր չափերի կաշառք, հաղորդում է Հատուկ քննչական ծառայությունը:
Ըստ նույն աղբյուրի` այս երկու անձինք երեկ ձերբակալվել են: Նրանց մեղադրանք է առաջադրվել խմբով, նախնական համաձայնությամբ ընտրողներին կաշառք առաջարկելու և տալու համար: Միջնորդություն է ներկայացվել դատարան նրանց նկատմամբ կալանավորումը որպես խափանման միջոց ընտրելու համար:
ՀՔԾ-ն հիշեցնում է, որ այս քրեական գործով ևս մեկ անձ ունի կասկածյալի կարգավիճակ, իսկ նախաքննությունը շարունակվում է:
Ընտրակաշառքի դեպքերի առթիվ հարուցված և Հատուկ քննչական ծառայությունում քննվող 3 քրեական գործերի շրջանակներում մեղադրանք է առաջադրվել ընդհանուր առմամբ 5 անձի, որոնցից 3-ը կալանավորվել են: Կասկածյալի կարգավիճակ ունի 9 անձ:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: