Ռուսական կողմի միջնորդությամբ Ադրբեջանից Հայաստան է վերադառնում 5 գերի։ Այս մասին ֆեյսբուքյան իր էջում հայտնում է փոխվարչապետ Տիգրան Ավինյանը։
Դեկտեմբերի 28–ին Ռուսաստանի Դաշնության և Կարմիր Խաչի Միջազգային Կոմիտեի միջնորդությամբ ևս 4 հայ գերի էին վերադարձվել Հայաստան: Դեկտեմբերի 23-ի դրությամբ, ըստ Արցախի Մարդու իրավունքների նախկին պաշտպան Արտակ Բեգլարյանի, Ադրբեջանից Հայաստան էր վերադարձել 53 գերի։
Նշենք, որ չի նշվում՝ վերադարձողները զինծառայողներ են, թե քաղաքացիականներ։
Գերիների և զոհվածների մարմինների փոխանակումը սահմանված է նոյեմբերի 9–ի եռակողմ՝ ՀՀ—ՌԴ—Ադրբեջան հայտարարությամբ։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: