Հեռուստատեսության եւ ռադիոյի հանձնաժողովն այսօր՝ հունվարի 15-ի նիստում ամփոփեց հանրային մուլտիպլեքսում հանրապետական եւ մայրաքաղաքային սփռման սլոթերի մրցույթի արդյունքները։ Ըստ այդմ՝ առաջիկա յոթ տարում, վարկանիշային քվեարկության միավորների համաձայն, հանրապետական սփռում կիրականացնեն ամենաբարձր միավոր հավաքած հետեւյալ հինգ հեռուստաընկերությունները՝
«Արմենիա թիվի»- 71
3«Հուսաբեր» ՓԲԸ («Երկիր մեդիա» հ/ը)-688
«Շանթ» ՍՊԸ-680
«A TV»-670
«Մուլտի Մեդիա Կենտրոն թիվի» — 663
Մայրաքաքաղաքում կհեռարձակվեն յոթ ընկերություններ՝ դարձյալ ըստ հավաքած ամենաբարձր միավորների.
«Շարկ» ՍՊԸ (TV 5)-657
«Արմնյուզ» ՓԲԸ-613
«Արփի մեդիա»-542
Freenews-531
«Դար 21» — 492
«Նոր Հայաստան»-463
Մայրաքաղաքային սփռման սլոթում մեկ տեղ բաց մնաց, քանի որ մրցույթի մասնակից «Շանթ սպորտ»-ը չհավաքեց անհրաժեշտ նվազագույն շեմի միավորը՝ 280-ից այն գնահատվեց 216, եւ մեկ ամսվա ընթացքում ՀՌՀ-ն նոր մրցույթ կհայտարարի այս տեղի համար։
Հիշեցնենք, որ նշված հեռուստաընկերություններից «Արփի մեդիա»-ն եւ «Դար 21»-ը դիմել էին միայն մայրաքաղաքային սլոթի մրցույթին, իսկ մյուսները մասնակցում էին թե’ հանրապետական, թե’ մայրաքաղաքային սփռման մրցույթներին։
Քվեարկության չդրվեցին «1in.am» եւ Հանրային հեռուստաընկերության երկրորդ ալիքի ներկայացրած հայտերը, քանի որ վերջիններս մրցույթից առաջ նամակ էին ուղարկել ՀՌՀ եւ հրաժարվել մասնակցությունից։
«Հ2» եւ«Ա1+» հեռուստաընկերությունները, չնայած հավաքած բարձր միավորներին՝ համապատասխանաբար 626 եւ 545, որոնք կարող էին բավարարել մայրաքաղաքային սփմռան սլոթի համար, դուրս մնացին, քանի որ դիմել էին միայն հանրապետական սփռման մրցույթին։
Մրցույթի արդյունքները վերջնական որոշմամբ ՀՌՀ-ն կհաստատի ավելի ուշ։
«Հույս եմ հայտնում, որ բոլոր այն հեռուստաընկերությունները, որոնք կստանան լիցենզիա, կզգան իրենց կարեւորագույն սոցիալական առաքելությունը, կհեռարձակեն հանրային պահանջմունքների եւ հետաքրքրությունների բազմազանությունը, կհամապատասխանեն տեխնիկական եւ արտադրական բարձր ստանդարտներին եւ կօգտագործեն հեռուստատեսության ճանաչողական եւ գիտելիք տարածելու դերը»,- մրցույթի արդյունքները հրապարակելուց հետո ասաց ՀՌՀ նախագահ Տիգրան Հակոբյանը։
Երեկ՝ հունվարի 14-ին հայտնի էին դարձել հանրային մուլտիպելքեսում մարզային սփռում իրականացնող հեռուստաընկերությունների անունները։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: