«Նիկոլ, դավաճան», «առանց Նիկոլ Հայաստան» վանկարկելով՝ ընդդիմադիրներն անցնում են Երևանի փողոցներով, պարբերաբար փակում խաչմերուկներն՝ այդ կերպ խցանումներ առաջացնում։ Ինչպես և խոստացել էին, նրանք բողոքի խաղաղ անհնազանդության ակցիաներ են իրականացնում՝ վարչապետ Փաշինյանի հրաժարականի պահանջով։
Նրանք հայտարարել են, որ ակցիաներն այսօր իրականացնելու են մինչև 17։00-ն։
Նշենք, որ ցուցարարների հետևից մեծ թվով ոստիկանականներ են շրջում, արդեն կան բերման ենթարկվածներ։
Վարչապետ Նիկոլ Փաշինյանի հրաժարականի պահանջով այսօր՝ դեկտեմբերի 8-ին, անհնազանդության ակցիա իրականացնելիս բերման է ենթարկվել 34 քաղաքացի։
Ցուցարարները մինչև այսօր ժամը 12։00-ը հեռանալու վերջնաժամկետ էին տվել Փաշինյանին։ Վերջինս չհեռացավ, ընդդիմադիրներն էլ դիմեցին բողոքի գործողությունների։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: