Եվրոխորհրդարանը նոյեմբերի 26-ին Կիպրոսի առափնյա Վարոշա քաղաքի վերաբերյալ բանաձև է ընդունել, որով կոչ է անում Թուրքիայի նկատմամբ պատժամիջոցներ կիրառել քաղաքի մասնակի վերաբացման համար, ինչը խախտում է ՄԱԿ-ի Անվտանգության խորհրդի բանաձևերը։
Բանաձևում նշված է, որ Եվրոխորհուրդը պետք է պահպանի իր միասնական դիրքը և «գործողություններ ձեռնարկի ու խստորեն պատժամիջոցներ կիրառի» Թուրքիայի նկատմամբ՝ ի պատասխան վերջինիս «անօրինական գործողությունների»։
Բանաձևն ունի խորհրդատվական բնույթը և պատժամիջոցների վերաբերյալ վերջնական որոշում կկայացնի Եվրամիության խորհուրդը։
Դեկտեմբերի 10-11-ին ԵՄ անդամ պետությունների ղեկավարները կքննարկեն Թուրքիայի հետ հարաբերությունների հարցը։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: