Ժնևում մեկնարկել է ՀՀ ԱԳ նախարար Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ: Այս մասին տեղեկացնում է ՀՀ ԱԳՆ խոսնակ Աննա Նաղդալյանը։
Ադրբեջանական լրատվական գործակալությունները հաղորդում են, որ այդ երկրի ԱԳ նախարար Ջեյհուն Բայրամովն «աշխատանքային այցով գտնվում է Ժնևում»:
Հայաստանի և Ադրբեջանի արտաքին գերատեսչությունների ղեկավարները դեռ երեկ պետք է մեկնեին Շվեյցարիա, սակայն այցը հետաձգվել էր:
Հայաստանի և Ադրբեջանի ԱԳ նախարարների հետ հանդիպելուց առաջ ԵԱՀԿ Մինսկի խմբի համանախագահները քննարկում են անցկացրել: Բանակցությունները տեղի կունենան դռնփակ ռեժիմով:
ՏԱՍՍ լրատվական գործակալության փոխանցմամբ, այս պահին դեռ հայտնի չէ, թե արդյոք քննարկումներից հետո կհրապարակվի որևէ հաղորդագրություն մամուլի համար:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: