ԱՄՆ նախագահ Դոնալդ Թրամփը երեքշաբթի հայտարարել է, որ հիասթափված է Լեռնային Ղարաբաղում հրադադարի ռեժիմի մասին Երևանի և Բաքվի միջև ձեռք բերված պայմանավորվածության խախտման պատճառով: Այս մասին հայտնում է ТАСС գործակալությունը՝ հղում անելով Reuters-ին:
«Այո, հիասթափեցնում է, երբ այդպիսի բան ես տեսնում: Ահա թե ինչ է տեղի է ունենում, երբ ձեր առջեւ երկրներ են, որոնք երկար ժամանակ զբաղվում են դրանով»,- ասել է Թրամփը:
Գործակալության տվյալներով՝ ամերիկյան առաջնորդը նաեւ հույս է հայտնել, որ իրավիճակը կնորմալանա։
Ադրբեջանը և Հայաստանը հոկտեմբերի 25-ին Միացյալ Նահանգների միջնորդությամբ համաձայնեցրել էին հակամարտության սրացումից հետո Լեռնային Ղարաբաղում մարդասիրական երրորդ հրադադարը, որը պետք է ուժի մեջ մտներ հոկտեմբերի 26-ից:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: