ՀՀ Վճռաբեկ դատարանի նախագահի թափուր պաշտոնի համար առաջադրվել է Վճռաբեկ դատարանի 14 դատավոր, տեղեկացնում են ԲԴԽ աշխատակազմի մամուլի ծառայությունից։ Վճռաբեկ դատարանի դատավորներից չեն առաջադրվել երկուսը՝ Էդգար Սեդրակյանը և Ստեփան Միքայելյանը։
Բարձրագույն դատական խորհուրդը պետք է նիստ գումարի ու քվեարկությամբ ընտրի Վճռաբեկ դատարանի նախագահի թեկնածուին։ ԲԴԽ-ն ընտրված թեկնածուին մինչև հոկտեմբերի 18-ը կներկայացնի Ազգային ժողով, որն էլ փակ գաղտնի քվեարկությամբ կընտրի Վճռաբեկ դատարանի նախագահին։
Նշենք, որ Վճռաբեկ դատարանի նախկին նախագահ Երվանդ Խունդկարյանի՝ ՍԴ դատավոր ընտրվելուց հետո Վճռաբեկ դատարանում թափուր է մնացել ոչ միայն նախագահի, այլև Վճռաբեկ դատարանի քաղաքացիական պալատի դատավորի տեղը:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: