Մոսկվայում Հայաստանի, Ադրբեջանի և Ռուսաստանի արտաքին գործերի նախարարների՝ հոկտեմբերի 9-ին ծրագրված հանդիպման ֆոնին Ֆրանսիայում հույս ունեն, որ Լեռնային Ղարաբաղի հակամարտության գոտում շուտափույթ հրադադար կհաստատվի:
Այս մասին հայտնել են Ելիսեյան պալատից՝ ամփոփելով Ֆրանսիայի նախագահ Էմանուել Մակրոնի՝ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ հեռախոսազրույցները:
«Ֆրանսպրես»-ը «Թվիթեր»-ի իր միկրոբլոգում հայտնել է, որ նախագահական պալատից ստացված տեղեկությունների համաձայն՝ հրադադարը կարող է հաստատվել հոկտեմբերի 9-ի երեկոյան կամ 10-ի առավոտյան՝ թեև իրավիճակը տեղում «շարունակում է մնալ փխրուն»:
Նշենք, որ այս պահին նախարար Զոհրաբ Մնացականյանը Մոսկվայում է, որտեղ քննարկման օրակարգում բացառապես ռազմական գործողությունների դադարեցման, հումանիտար նպատակներով դիակների և գերիների փոխանակման հարցերն են:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: