Ադրբեջանի իշխանությունները, չարաշահելով հակահամաճարակային սահմանափակումները, ձերբակալում են ընդդիիմադիր ակտիվիստներին, որպեսզի լռեցնեն կառավարությանը քննադատող ձայները: Այս մասին հայտարարել է Human Rights Watch իրավապաշտպան կազմակերպությունը:
Վերջին շաբաթներին Ադրբեջանում կարանտինը խախտելու, ոստիկանությանը չենթարկվելու մեղադրանքներով 10-30 օրով ձերբակալվել են մի խումբ ընդդիմադիր ակտիվիստներ և լրագրողներ: «Այդ ձերբակալություններն ամբողջովին համապատասխանում են Ադրբեջանում քաղաքական վրեժխնդրության վաղեմի մոդելին», — նաև հայտարարել է իրավապաշտպան կառույցը՝ Ալիևի վարչակազմին հորդորելով անհապաղ դադարեցնել քաղաքականացված սահմանափակումները և ազատ արձակել ձերբակալվածներին:
«Թուրան» գործակալության փոխանցմամբ՝ նախօրեին ձերբակալվել է «Ժողովրդական ճակատ» ընդդիմադիր կուսակցության ևս մեկ ներկայացուցիչ՝ Նիյամեդին Ահմեդովը, «կարանտինային ռեժիմը խախտելու» մեղադրանքով: Քաղաքական ուժը հայտարարել է, որ մարտի 24-ից ի վեր կուսակցության 10 անդամ է ձերբակալվել:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: