Արտադրամասը, որի աշխատակիցների մոտ հաստատվում են կորոնավիրուսի դեպքեր, Իտալիայի հետ կապ ունի։ Այս մասին «Շանթ» հեռուստաընկերության Հեռանկար հաղորդաշարին տված հարցազրույցում ասաց վարչապետ Նիկոլ Փաշինյանը։
«Իտալացի գործընկերը ժամանել է Հայաստան, ընդ որում՝ առողջապահության նախարարության հսկողության տակ է եղել, բայց կրկին ջերմիջեցնող դեղեր խմելու միջոցով թաքցրել է իր իրական վիճակը։ Մեկ-երկու օր անցկացրել է արտադրամասում, որից հետո հեռացել է Հայաստանից և թողել է այդպիսի հետևանք իր հետևից»,- ասաց վարչապետը։
Նա հույս հայտնեց, որ ինչպես Իրանից ժամանածների, Էջմիածնի պարագայում կորոնավիրուսի իրավիճակի կայունացվեց, այնպես էլ արտադրամասում դեպքում կայունացում կլինի։
«Նոր ճյուղերի զարգացում այս պահի դրությամբ չունենք, բայց համաճարակը նրանով է համաճարակ, որ անկանխատեսելիության և անորոշության մեծ դաշտ է պարունակում։ Եթե տեսնենք, պայքարի այս մեթոդն անիմաստ է, մենք ունենք 2-րդ, 3-րդ տարբերակը, թե ինչպես հետագայում պայքարել վարակի դեմ»,- նշեց Նիկոլ Փաշինյանը։
Նշենք, որ Հայաստանում կորոնավիրուսով վարակվածների թիվը հասել է 102–ի։ Դեպքերի 75 տոկոսն առնչվում է էջմիածնի և արտադրամասի դեպքերին։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: