ՀՀ երկրորդ նախագահ Ռոբերտ Քոչարյանը ևս 2 ամիս կմնա կալանքի տակ: Երևան քաղաքի ընդհանուր իրավասաության դատարանը քիչ առաջ որոշում
կայացրեց բավարարել ՀՀ հատուկ քննչական ծառայության միջնորդությունը և ևս երկու ամիս ժամկետով երկարաձգել Քոչարյանի կալանքի ժամկետը։
Հիշեցնենք, որ դատարանը քննել է երկու միջնորդություն՝ Հատուկ քննչական ծառայության քննիչի կողմից ներկայացված Ռոբերտ Քոչարյանի նկատմամբ ընտրված կալանավորումը ևս երկու ամիս ժամանակով երկարացնելու վերաբերյալ և Ռոբերտ Քոչարյանի պաշտպանական խմբի կողմից ներկայացված կալանավորումն այլընտրանքային խափանման միջոց գրավով փոխարինելու վերաբերյալ:
Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: