Սեպտեմբերի 22-ի գիշերը Ռուսաստանն ու Ուկրաինան գերիների լայնածավալ փոխանակում են իրականացրել։
Ուկրաինան Ռուսաստանին է փոխանցել քաղաքական գործիչ Վիկտոր Մեդվեդչուկին, ինչպես նաև հինգ տասնյակից ավելի ռուս զինծառայողների։ Իր հերթին, Մոսկվան Կիևին է հանձնել ավելի քան 200 ուկրաինացի ռազմագերիների. նրանց թվում են Մարիուպոլի «Ազովստալ» գործարանը պաշտպանած մարտիկներն ու հրամանատարները։
Ուկրաինայի իշխանությունները հաստատել են փոխանակումը:
Ռուսաստանյան լրատվամիջոցները հայտնում են, որ Ուկրաինան հանձնել է 55 ռուս ռազմագերիների, ինչպես նաև ուկրաինական «Ընդդիմադիր պլատֆորմ — կյանքի համար» կուսակցության առաջնորդներից մեկին՝ Մեդվեդչուկին, ով Ուկրաինայում մեղադրվում է դավաճանության մեջ։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: