Այսօր, ժամը 19:30-ին, Մամիկոնյանց 46/5 հասցեում հավաք ՝ ի աջակցություն 6 ոստիկանների կողմից խոշտանգված Տիգրան Ուլուբաբյանի
Տեսնելով, որ Քննչական կոմիտեն ունի շատ անլուրջ մոտեցում և հաշվի առնելով նմանատիպ դեպքերի շարունակական կրկնվելը՝ ես Տիգրան Ուլբաբյանի խնդրանքով, այլընտրանք չունենալով, անցնում եմ պայքարի այլ մեթոդների։
Քննչական կոմիտեն մինչև վաղը պիտի ունենա այս գործով պարզված տվյալներ, առնվազն՝ ովքեր են եղել այն ոստիկանները, որոնք Տիգրան Ուլբաբյանին ենթարկել են բռնության։ Առնվազն այդ ոստիկանների պաշտոնավարումը պիտի կասեցվի, և նրանք ձերբակալվեն, որպեսզի վերջիններս չխոչընդոտեն ապացուցման գործընթացին։
Հակառակ պարագայում մենք միասին հավաքվելու ենք Քննչական կոմիտեի դիմաց՝ մեր դժգոհությունը արտահայտելու կազմակերպված նախաքննությունից։
Սա իմ նախաձեռնությունը չէ. սա բազմաթիվ քաղաքացիների կողմից ինձ ուղղված խնդրանք է՝ կազմակերպել այս միջոցառումը և Քննչական կոմիտեից պահանջել արդար նախաքննություն։ Ակնկալում ենք բոլորի մասնակցությունը։
Հատված փաստաբան Ռոման Երիցյանի ֆեյսբուքյան էջում հրապարակված տեսանյութից:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով:
