Երևանի ավագանին 33 կողմ, 17 դեմ ձայներով հավանություն տվեց տրանսպորտի նոր փաթեթին: Հիշեցնենք՝ Երևանի ավագանին քննարկում էր տրանսպորտային փաթեթներին վերաբերող նախագծում
Փոխքաղաքապետ Սուրեն Գրիգորյանը մանրամասնել էր սպասվող փոփոխությունները։
Ըստ այդմ՝ 1 և 7 օր փաթեթով տոմսերի ուղևորությունները կդառնան անսահմանափակ:
90 րոպեի ընթացքում երեք ուղևորության հնարավորորություն տվող տոմսի վավերականության ժամկետը կդառնա 180 րոպե:
1500 դրամով 10 ուղևորություն ձեռք բերելու հնարավորության ժամկետը կերկարաձգվի՝ 30 օրից դառնալով 45 օր:
Արտոնյալ տոմսեր կտրամադրվեն նաև Երևանի հաշվառում չունեցող թոշակառուներին և անապահովության նպաստ ստացողներին։
Անվճար երթևեկելու իրավունք կունենան նաև
հաշմանդամություն ունեցող երեխաները
4 և ավելի երեխա ունեցող քաղաքացիները՝ անկախ երեխաների տարիքից:
Ընդունվելու դեպքում որոշումն ուժի մեջ կմտնի մարտի 1-ից:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով:
