«Դատական հայցերի ներկայացման գործընթացը կշարունակվի. արդեն ձեւավորվել է իրավական հարթակ, որը պարբերաբար աշխատում է, այդ թվում՝ միջազգային ռազմավարական պահանջների ձեւավորման ուղղությամբ։ Հիմա կարող եմ ասել, որ փաստեր են հավաքվում, աշխատանքներ են տարվում Քարին տակի, Մոխրենեսի, Ստեփանակերտի Թումանյան, Մխիթար Գոշ փողոցների հետ կապված։ Այս մասին Step1.am-ի հետ զրույցում ասաց Արցախի օմբուդսմեն Գեղամ Ստեփանյանը։
Ռեսուրսները սահմանափակ են, բայց նույնիսկ սահմանափակ ռեսուրսներով մենք փորձում ենք շարունակել այս աշխատանքը։ Խոսքը ոչնչացված գույքի մասին է, և այս առումով այն տարբերվում է այլ գույքից։ Ճիշտ է, մենք զրկված ենք մնացած գույքից օգտվելու հնարավորությունից, բայց գոնե գիտենք, որ այն կա, ասաց Ստեփանյանը։
Անելիքներ կան նաև, մասնավորապես 2023 թվականի սեպտեմբերին սպանվածների մարմինների արտաշիրիմման պահանջի հետ կապված։ Ես գիտեմ, որ գործընթաց կա, և այս հարցով ՄԻԵԴ դիմում է լինելու, նշել է օմբուդսմենը։
Ինչ վերաբերում է քաղաքական մասին, գիտեք, ստեղծվել է Արցախի ժողովրդի հիմնարար իրավունքների պաշտպանության հանձնախումբ։ Սփյուռքի կազմակերպությունների հետ համատեղ խոշոր համաժողովներ են նախատեսվում եվրոպական մայրաքաղաքներում։ Հնարավորության դեպքում մենք պետք է նմանատիպ ֆորումներ հրավիրենք Հայաստանում՝ հրավիրելով տարբեր միջազգային փորձագետների և համախմբելով նրանց այս խնդրի շուրջ» ։, նշեց նա։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: