Արդարադատության միջազգային դատարանը մինչև 2025 թվականի նոյեմբերի 12-ը Հայաստանին և Ադրբեջանին վերջնաժամկետ է տվել՝ հակափաստարկներ ներկայացնելու գործում՝ Ռասայական խտրականության բոլոր ձևերի վերացման մասին ՄԱԿ-ի միջազգային կոնվենցիայի խախտման առնչությամբ:
Ըստ Դատարանի՝ խոսքն Ադրբեջանի կողմից Հայաստանի դեմ 2021 թվականի սեպտեմբերի 23-ին ներկայացված բողոքի հիման վրա հարուցված գործի մասին է:
Հաղորդվում է, որ հաշվի առնելով 2022 թվականի հունվարի 21-ի հրամանը, որով Դատարանը 2023 թվականի հունվարի 23-ը և 2024 թվականի հունվարի 23-ը սահմանել է որպես Ադրբեջանի կողմից փաստարկ և Հայաստանի կողմից հակափաստարկ ներկայացնելու համապատասխան ժամկետներ։
Ինչպես նշվում է զեկույցում, հաշվի առնելով Ադրբեջանի փաստարկը, որը ներկայացվել է այսպիսով սահմանված ժամկետում և 2023 թվականի ապրիլի 21-ին Հայաստանի կողմից բարձրացված նախնական առարկությունները, Հայաստանի կողմից նախնական առարկությունների ներկայացումը հանգեցրել է գործն ըստ էության հարցի քննարկման կասեցմանը։
2024 թվականի նոյեմբերի 12-ի իր որոշմամբ Դատարանը գտել է, որ իրավասու է քննել Ադրբեջանի կողմից ներկայացված դիմումը՝ բացառելով 1996 թվականի սեպտեմբերի 15-ից առաջ տեղի ունեցած ենթադրյալ գործողություններին առնչվող Ադրբեջանի պահանջները։
Ուստի Դատարանը Հայաստանի կողմից հակափաստարկ ներկայացնելու վերջնաժամկետ է սահմանել 2025 թվականի նոյեմբերի 12-ը և հայտարարել, որ հետագա ընթացակարգը վերապահում է հետագա որոշման համար։
Հիշեցնենք, որ ավելի վաղ՝ 2021 թվականի սեպտեմբերի 16-ին, Հայաստանը Արդարադատության միջազգային դատարանում դատավարություն էր սկսել ընդդեմ Ադրբեջանի՝ Ռասայական խտրականության բոլոր ձևերի վերացման մասին ՄԱԿ-ի միջազգային կոնվենցիայի խախտման առնչությամբ։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: