Հարցվողների 33,3 տոկոսը նշել է, որ Հայաստանը պետք է պայմաններ ստեղծի Լեռնային Ղարաբաղ հայերի արժանապատիվ վերադարձի համար։ Այս մասին լրագրողների հետ հուլիսի 10-ի հանդիպման ժամանակ ասել է «Gallup» միջազգային հետազոտական կենտրոնի հայկական գրասենյակի տնօրեն Արամ Նավասարդյանը։
Նրա խոսքով՝ 29,5 տոկոսը կարծում է, որ Հայաստանը պետք է սպասի հարմար պահի, որպեսզի ապագայում ղարաբաղյան հարցը նորից բարձրացնի։ «21,5 տոկոսը պատասխանել է, որ անհրաժեշտ է փորձել վերականգնել Լեռնային Ղարաբաղի հայկական վերահսկողությունը։ 10,2 տոկոսը կարծում է, որ ղարաբաղյան էջը պետք է շրջել՝ խուսափելու համար հետագա խնդիրներից։ 4,6 տոկոսը դժվարացել է պատասխանել այդ հարցին»,- ավելացրել է նա։
Նշենք որ հարցումն իրականացվել է հեռախոսով, հուլիսի 3-6-ին, 1 100 հարցվողների շրջանում։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: