Հանրապետական հրապարակում այս պահին Բագրատ արքեպիսկոպոս Գալստանյանի գլխավորությամբ բողոքի ակցիա է տեղի ունենում։
«Շարունակելու ենք մնալ այստեղ, թող գնան իրենց ելման դիրքերը ոստիկանները, ապօրինի նիստ է գումարվում, այդ մարդն իրեն բոլոր առումներով սպառել է», — հայտարարեց «Տավուշը հանուն հայրենիքի» շարժման առաջնորդ Բագրատ Սրբազանը։ Հարցին՝ Փաշինյանն ասել է իրեն հանդիպելու ընթացակարգ կա, թող դիմեն, ի՞նչ է անելու, Սրբազանը պատասխանեց․ «Ես էլ գիտեմ որ ընթացակարգ կա, կայցելեմ կալանավայր՝ հատուկ թույլտվությամբ։ Հիմա մեզ չեն թողնում այցելել, բայց այդ ժամանակ կթողնեն»։
Նա նշեց, որ երեկ իրենք ինչ ծրագիր ունեին՝ իրականացրել են․ «Մեր երկրում ՆԳ նախարարը չի տեղաշարժվել՝ գնալու պարտականությունները կատարելու։ Պարզվում է ոչ այս մարդը, ոչ էլ ՆԳ նախարարը այդպես էլ տղամարդկություն չունեցան»։
Նրա խոսքով՝ Վահե Ղազարյանի առանձին հանդիպելու առաջարկը ընդունելի չէ՝ կամ ժողովրդի, կամ լրագրողների առջև թող հանդիպեն․ հանրության ձայնն է, պետք է պատասխան տան իրենց արածների համար։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: