Նախնական տվյալներով Երեւանի ավագանի են անցնում 5 քաղաքական ուժեր

Նախնական տվյալներով Երեւանի ավագանի են անցնում 5 քաղաքական ուժեր. ՔՊ-ն, «Ազգային առաջընթացը», «Մայր Հայաստան» դաշինքը, «Հանրապետությունը» եւ «Հանրային ձայնը»:

Ըստ նախնական տվյալների Երեւանի ավագանու 65 մանդատները բաշխվում են հետեւյալ կերպ՝

ՔՊ  – 24 մանդատ

«Ազգային առաջընթաց» — 14 մանդատ

«Մայր Հայաստան» դաշինք – 12 մանդատ

«Հանրապետություն». – 8 մանդատ

«Հանրային ձայն»  — 7 մանդատ:

Նշենք, որ ԿԸՀ-ի հրապարակած տվյալների համաձայն ձայները բաշխվել են հետեւյալ կերպ.

1. «Հանրային ձայն» կուսակցությունը ստացել է 22,431 ձայն կամ 9.68%
2. «Քաղաքացիական պայմանագիր» կուսակցությունը՝ 75,463 ձայն կամ 32.57%)
3. «Արդար Հայաստան» կուսակցությունը՝ 2,595 ձայն կամ 1.12%)
4. «Հաղթանակ» կուսակցությունը՝ 3,959 ձայն կամ 1.71%)
5. «Ուժը հայրենյաց» կուսակցությունը՝ 1,706 ձայն կամ 0.74%)
6. «Հայաստանի եվրոպական» կուսակցությունը՝2,572 ձայն կամ 1.11%)
7. «Աազգային առաջընթաց» կուսակցությունը՝ 43,765 ձայն կամ 18․89%)
8. «Հանուն սոցիալական արդարության» կուսակցությունը՝ 780 ձայն կամ 0.34%)
9. «Հանրապետություն» կուսակցությունը՝ 26,236 ձայն կամ 11.32%)
10. «Միացյալ Հայաստան» կուսակցությունը՝ 1,282 ձայն կամ 0.55%)
11. «Լուսավոր Հայաստան» կուսակցությունը՝ 4,174 ձայն կամ 1.8%)
12. «Ժողովրդավարական համախմբում» կուսակցությունը՝ 2,348 ձայն կամ 1.01%)
13. «Ապրելու երկիր» կուսակցությունը՝ 8,425 ձայն կամ 3.64%)
14. «Մայր Հայաստան» դաշինքը՝ 35,739 ձայն կամ 15.43%)

Ընտրության մասնակցածների ընդհանուր թիվը՝ 234,436։

Առաջին անգամ Հայաստանի պատմության մեջ առաջացել է կոալիցիա կազմելու անհրաժեշտություն: Նախկինում թեեւ եղել են կոալիցիաներ խորհրդարանում, սակայն դա պայմանավորված չի եղել իշխող ուժի քվեների անբավարարությամբ, այսինքն դրա անհրաժեշտությունը օրենսդրորեն չի եղել:

Այսինքն «Հայրենիքի ձայնի», «Մայր Հայաստան» դաշինքի եւ «Ազգային առաջընթացի» ստացած մանդատները (33) բավարար են կոլաիցիա ձեւավորելու համար:

«Հանրային ձայն» կուսակցությունը պատրաստ է կոալիցիա կազմել «Ազգային առաջընթաց» կուսակցության և «Մայր Հայաստան» դաշինքի հետ, այս մասին հայտարարել է կուսակցության ղեկավար Վարդան Ղուկասյանը։

Նա նշել է՝ կողմ է, որ կամ Անդրանիկ Թևանյանը կամ Հայկ  Մարությանը դառնան քաղաքապետ, բայց վերահսկողական ապարատը պետք է անցնի «Հանրային ձայն» կուսակցությանը։