Ռուսաստանի «խաղաղապահ» զորակազմը հայտարարություն է տարածել, որում ասվում է, որ «առաջին մեքենաները ՌԴ խաղաղապահ զորակազմի ուղեկցությամբ Աղդամ-Ստեփանակերտ ճանապարհով հասել են Ստեփանակերտ եւ բեռնաթափվում են ԿԽՄԿ պահեստում։ Բեռների մեջ են մանկական տակդիրներ, ներարկումների հավաքածուներ եւ կաթոցիկներ։ Ներկայում Լաչինի միջանցքով ՌԴ խաղաղապահ զորակազմի ուցեկցությամբ դեպի Ստեփանակերտ է շարժվում ԿԽՄԿ երկրորդ շարասյունը, որը առաջինին զուգահեռ անցել է «Լաչին» անցակետով։ Հումանիտար օգնության մատակարարումները հաջողվել է սկսել շնորհիվ Ռուսաստանի եւ նրա խաղաղապահների ջանքերի»։
Այսպիսով, Ռուսաստանը պաշտոնապես ճանաչեց Բերձորի միջանցքում Բաքվի անօրինական անցակետը, այն դեպքում, երբ 2020-ի նոյեմբերի 9-ի հայտարարությունը պաշտոնապես չեղարկված չէ, ըստ այդ թղթի՝ Ռուսաստանն է վերահսկում միջանցքը, եւ այնտեղ չպետք է լինի Բաքվի ռազմական ու ոստիկանական որեւէ ներկայություն։ Մոսկվան խախտում է իր իսկ ստորագրած փաստաթուղթը եւ վերահաստատում է Արցախի ոչնչացման եւ բնիկ մեծամասնության արտաքսման օպերատիվ երաշխավորման իր հանձնառությունը եւ ուղիղ մասնակցությունը։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: