Օգոստոսի 30-ին և 31-ին Կարմիր Խաչի միջազգային կոմիտեի ներկայացուցիչներն այցելել են Լաչինի միջանցքից օգոստոսի 28-ին Ադրբեջանի ուժայինների կողմից առևանգված երեք արցախցի երիտասարդներին։ Այս մասին APA գործակալությանը հայտնել է ԿԽՄԿ ադրբեջանական գրասենյակի հասարակայնության հետ կապերի բաժնի ղեկավար Իլահա Հուսեյնովան։
Լրատվամիջոցի փոխանցմամբ` միջազգային կառույցի ներկայացուցիչներն արցախցի ուսանողների հետ «անհատական հանդիպում են ունեցել, և նրանց հնարավորություն է տրվել կապ հաստատել իրենց ընտանիքների հետ»։
Պաշտոնական Բաքուն պնդում է, որ Ալեն Սարգսյանը, Վահե Հովսեփյանն ու Լևոն Գրիգորյանը երկու տարի առաջ «անարգել են ադրբեջանական դրոշը»: Հայ երիտասարդները, ըստ Բաքվի, տասնօրյա վարչական կալանքի են ենթարկվելու, ապա վտարվեն Ադրբեջանից:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: