Ադրբեջանը կրակ է բացել Շորժայի ուղղությամբ․ հայ զինծառայող է վիրավորվել

Օգոստոսի 14-ին` ժամը 19։50-ի սահմաններում, Ադրբեջանի ԶՈՒ ստորաբաժանումները հրաձգային զենքերից կրակ են բացել Վերին Շորժայի հատվածում տեղակայված հայկական դիրքերի ուղղությամբ, որի հետևանքով վիրավորվել է զինծառայող Ս. Դ.-ն։ Այդ մասին տեղեկացնում է Պաշտպանության նախարարությունը։

Ըստ աղբյուրի, զինծառայողի առողջական վիճակը գնահատվում է ծանր։