Արցախի ՊՆ-ն հայտնում է, որ ադրբեջանական զինված ուժերն այսօր առավոտյան դիվերսիոն հարձակում են իրականացրել, ինչի հետևանքով կա զոհ և վիրավոր։
Ըստ Արցախի ՆԳՆ ոստիկանության՝ դիվերսիոն խումբը թիրախավորել և կրակ է արձակել ոստիկանության անձնագրային և վիզաների վարչության անձնակազմի հերթափոխի մեքենայի վրա։ Պաշտպանության բանակը մանրամասնել է, որ միջադեպը գրանցվել է «Խայփալու» կոչվող տեղանքում։
Ներքին գործերի նախարարությունը և ՊԲ-ն նշել են, որ դեպքի մասին մանրամասներ կհրապարակեն ավելի ուշ։
Ադրբեջանական կողմը դեռևս որևէ մեկնաբանությամբ հանդես չի եկել։
Լեռնային Ղարաբաղում տեղակայված ռուսական խաղաղապահ զորակազմի հրամանատարությունը երեկ հայտնել էր Մարտունիի և Շուշիի շրջանում հրադադարի խախտումների մասին:
Ըստ Արցախի ՊՆ-ի՝ Ասկերանի, Մարտակերտի և Մարտունու շրջանների՝ ադրբեջանական վերահսկողության տակ գտնվող տարածքներում տեղակայված ԶՈւ ստորաբաժանումները մարտի 2-ին և մարտի 2-ի լույս 3-ի գիշերը խախտել են հրադադարը` կիրառելով հրաձգային զինատեսակներ։
Հայկական կողմից տուժածներ չկան։
Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։
Ներկայումս իրավիճակը շփման գծում հարաբերականորեն կայուն է
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: