Freedom House-ը ողջունում է Հայաստանում «ծանր վիրավորանքի» ապաքրեականացումը

53

«Freedom House-ը ողջունում է Հայաստանում «ծանր վիրավորանքի» ապաքրեականացումը և ԶԼՄ օրենսդրության շուրջ լայն շրջանակների հետ խորհրդակցություններ ունենալու կառավարության հանձնառությունը, որն արտացոլված է ՀՀ կառավարության և ՔՀԿ-ների միջև ստորագրված Համագործակցության հուշագրում:Այս մասին նշվում է Freedom House միջազգային իրավապաշտպան կազմակերպության թվիթերյան էջում:

Freedom House-ը նաև հորդորում է ՀՀ վարչապետին լրջորեն վերաբերվել ԶԼՄ-ների մտահոգություններին և օգտագործել ուղիղ հաղորդակցության ուղիները, ներառյալ բաց և թափանցիկ մամուլի ասուլիսները՝ առողջ ու գործուն ժողովրդավարություն ապահովելու նպատակով։