Ադրբեջանը խոստանում է այս շաբաթ Հայաստան վերադարձնել գերեվարված զինծառայող Մարտիրոսովին

53

Ապրիլի 23-ին գերեվարված զինծառայող Էդուարդ Մարտիրոսովը կփոխանցվի Հայաստանին, այս մասին լրագրողներին հայտնել է Ադրբեջանի գերիների և պատանդների տեղեկատվական կենտրոնի համակարգող Ահմեդ Շահիդովը։

Նրա խոսքերով՝ հայ զինծառայողը հայկական կողմին կփոխանցվի այս շաբաթ, հայտնում է ադրբեջանական «Թրենդ» գործակալությունը։ Կոնկրետ թվականներ Ադրբեջանի կառավարության ներկայացուցիչը չի նշել։

Ժամկետային էդուարդ Մարտիրոսովը Սյունիքի Ներքին Հանդ գյուղի դիրքերից սահմանն անցել  ու գերեվարվել է ապրիլի 23-ին։ Հայտնի չէ, թե ինչ հանգամանքներում է նա հայտնվել Ադրբեջանում։ Ներքին Հանդի մարտական հենակետը, որտեղից շարքայինն անհետացել է, ադրբեջանական դիրքերի հարևանությամբ է։