Խրամորթում ականը պայթել է տան բակում, Արցախի բնակիչը բեկորային վիրավորում է ստացել․ ԱՀ ՆԳՆ

48

Այսօր, ժամը 10:35-ին ՆԳՆ ոստիկանության Ասկերանի շրջանային բաժնից հաղորդել են, որ Խրամորթ գյուղի բնակիչ 1971թ. ծնված Սուրեն Բաղդասարյանն իրենց տան բակում գյուղատնտեսական աշխատանքներ կատարելու ժամանակ, հակառակորդի կողմից արձակված ականանետի կրակոցից՝ մեջքի շրջանում բեկորային վիրավորում է ստացել: Հայտնում է ԱՀ ՆԳՆ-ն։ Ականը պայթել է տան բակում: 

Վերջինս շտապ տեղափոխվել է բուժհաստատություն: Նրա կյանքին վտանգ չի սպառնում: Ոստիկանության Ասկերանի շրջանային բաժնում նախապատրաստվում են նյութեր: