Ուկրաինա․ Պատերազմի 6-րդ օրը

105

Փետրվարի 24-ին Վլադիմիր Պուտինը Մոսկվայի ժամանակով առավոտյան ժամը 5:30-ին հայտարարեց Ուկրաինայում «հատուկ ռազմական գործողության» և «երկրի ապազգայնացման» մասին։

📍  Ուկրաինայի պատերազմի հինգ օրվա ընթացքում սպանվել է 5710 ռուս զինվոր, 200-ը գերի է ընկել։ Այս մասին հայտնել են Ուկրաինայի զինված ուժերի գլխավոր շտաբից։

📍 Խարկովի կենտրոնում արկ է ընկել մարզպետարանի մոտ։

📍 Զելենսկին ստորագրել է ԵՄ անդամակցության դիմումը, այն ուղարկվել է Բրյուսել և պաշտոնապես գրանցվել։

📍 Միջազգային քրեական դատարանը հետաքննություն է սկսել Ուկրաինայում տեղի ունեցող իրադարձությունների վերաբերյալ։

📍 Կանադան դադարեցնում է նավթի ներկրումը Ռուսաստանից։  «Կանադան կշարունակի աջակցել Ուկրաինայի հերոսական պաշտպանությանը ռուս զինվորականների դեմ: Մենք կարգելենք հում նավթի ներկրումը Ռուսաստանից, որը մեծ շահույթ է ապահովում նախագահ Պուտինին և նրա օլիգարխներին», Օտտավայում լրագրողներին ասել է Կանադայի վարչապետ Թրյուդոն:

📍 Բուլղարիան, Լեհաստան և Սլովակիան Ուկրաինային 70 հատ Միգ-29 և Սու-25 ինքնաթիռներ են մատակարարելու։

📍 ՌԴ զինված ուժերը բոլոր կողմերից շրջափակել են Խերսոն քաղաքը։ Բնակչությանը երեկ տարհանել են։