Նոյեմբերի 20-ին զենքի հետ վարվելու կանոնները խախտելու հետևանքով 29-ամյա պայմանագրային զինծառայող է մահացել

24

Զենքի օգտագործման կանոնների խախտման հետևանքով Գեղարքունիքի մարզի զորամասերից մեկում պայմանագրային զինծառայող է մահացել: Այս մասին հայտնեցին ՀՀ պաշտպանության նախարարությունից: 

«Պայմանագրային զինծառայող, շարքային Գևորգ Խաչատուրի Ավետյանը (ծնվ. 1992թ.) նախնական տվյալով` զենքի օգտագործման կանոնների խախտման հետևանքով նոյեմբերի 15-ին որովայնի շրջանում վիրավորում է ստացել, տեղափոխվել է հիվանդանոց, մեկ օր անց` նոյեմբերի 16-ին, արձանագրվել է մահը»։

Դեպքից 4 օր անց միայն նախարարությունը լրատվամիջոցներին հայտնել է տեղի ունեցածի մասին։