Արտահերթ խորհրդարանական ընտրությունների արդյունքները կմնան ուժի մեջ. ՍԴ-ն հրապարակեց որոշումը

88

Սահմանադրական դատարանը հունիսի 20-ի արտահերթ խորհրդարանական ընտրությունների արդյունքները որոշեց թողնել ուժի մեջ: ՍԴ-ն՝ Արման Դիլանյանի նախագահությամբ քիչ առաջ հրապարակեց որոշման եզրափակիչ մասը: Նշենք, որ Բարձր դատարանը պետք է որոշեր կա՛մ ընտրության արդյունքները թողնել անփոփոխ, կա՛մ անվավեր ճանաչել դրանք, կա՛մ անվավեր ճանաչել և սահմանել մանդատների ճանաչման նոր կարգ, կա՛մ անվավեր ճանաչել և նշանակել ընտրությունների երկրորդ փուլ։  

Հիշեցնենք, որ «Հայաստան» և «Պատիվ ունեմ» դաշինքները, «Զարթոնք» ազգային քրիստոնեական և «Հայոց հայրենիք» կուսակցություններն ԱԺ արտահերթ ընտրությունների արդյունքները վիճարկել են հուլիսի 2-ին ՍԴ ներկայացված դիմումներով։