Հայ-ադրբեջանական սահմանին վերջին սրացումները պահանջում են անհապաղ միջոցառումներ

64

Երեկ Հավաքական անվտանգության պայմանագրի կազմակերպության (ՀԱՊԿ) միացյալ շտաբում տեղի է ունեցել ՀԱՊԿ անդամ պետությունների պաշտպանության և անվտանգության կոմիտեների ներկայացուցիչների հանդիպումը։

Հանդիպման մասնակիցները լսել են Հայաստանի Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի զեկույցը, որում նա գնահատել է Հայաստանի սահմանային իրավիճակը և նշել ՀԱՊԿ անդամ պետության տարածքային ամբողջականության նկատմամբ ոտնձգությունների անթույլատրելիությունը:

ՀԱՊԿ գլխավոր քարտուղարի տեղակալ Վալերի Սեմերիկովը նշել է, որ հայ-ադրբեջանական սահմանին վերջին սրացումը պահանջում է անհապաղ միջոցառումներ, «առաջին հերթին` քաղաքական և դիվանագիտական բնույթի, ինչպես նաևՀայաստանի և Ադրբեջանի պետական սահմանների սահմանազատման և սահմանագծման հարցերի լուծում»: