Որոնողական աշխատանքների արդյունքում հայտնաբերվել և վերադարձվել է 15 աճյուն

123

Երեկ որոնողական աշխատանքների արդյունքում հայտնաբերվել և վերադարձվել է 15 աճյուն, հաղորդում է Արցախի Արտակարգ իրավիճակների պետական ծառայությունը (ԱԻՊԾ):

Համաձայն հաղորդագրության, ռազմագործողությունների ընթացքում զոհված մեկ զինծառայողի աճյուն հայտնաբերվել է Մարտունու շրջանից, 13-ը՝ Ջրականի (Ջաբրաիլ) ուղղությունից:

Մեկ զինծառայողի աճյուն Եղնիկներից (Արեգա սար) ադրբեջանական կողմն է փոխանցել հայկական կողմին: Վերջիններիս ինքնությունը պարզելու նպատակով նշանակվել է դատաբժշկական փորձաքննություն:

Հունվարի 29-ի տվյալներով որոնողական աշխատանքների արդյունքում հայտնաբերվել է 1344 աճյուն:

Այսօր փրկարարական ջոկատները կաշխատեն Հադրութի շրջանում և ՀՀ Սյունիքի մարզի տարածքում: