Երևանի ընդհանուր իրավասության դատարանն այսօր բավարարել է Արցախի ազգային ժողովի նախկին պատգամավոր Վահան Բադասյանին կալանավորելու՝ Ազգային անվտանգության ծառայության միջնորդությունը: Այս մասին «Ազատությանը» հայտնեց Բադասյանի պաշտպան Արայիկ Պապիկյանը:
Փաստաբանը նշեց, որ պատրաստվում են բողոքարկել դատարանի որոշումը:
Բադասյանը մեղադրվում է Քրեական օրենսգրքի 301-րդ հոդվածի հատկանիշներով (իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր հնչեցնելը): Նա չի ընդունում մեղադրանքը, ավելին՝ դրանում քաղաքական ենթատեքստ է տեսնում:
Երեկ «Եռաբլուր» զինվորական պանթեոնում լրագրողների հարցերին պատասխանելիս, Բադասյանը վարչապետին զենքով վերացնելու կոչեր էր հնչեցրել՝ չթաքցնելով, որ գիտակցում է, որ իրեն այդ հայտարարության համար կձերբակալեն։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: