Արցախի նախագահը 2021-ի ձմեռային զորակոչի և զորացրման հրամանագիր է ստորագրել

133

Արցախի նախագահ Արայիկ Հարությունյանը 2021 թվականի ձմեռային զորակոչ անցկացնելու և զորացրում կատարելու մասին այսօր հրամանագիր է ստորագրել, տեղեկացնում է Արցախի նախագահի գրասենյակը

Հրամանագրի համաձայն՝ 2021 թվականի հունվար-փետրվար ամիսներին կանցկացվի Արցախի արական սեռի այն քաղաքացիների պարտադիր զինվորական ծառայության ձմեռային զորակոչը, որոնց 18 տարին լրացել է մինչև 2020 թվականի դեկտեմբերի 31-ը ներառյալ և որոնք չեն օգտվել զորակոչի տարկետման իրավունքից կամ կորցրել են այն:

Ըստ հրամանագրի` 2021 թվականի հունվար ամսում՝ օրենքով սահմանված ժամկետում, կզորացրվեն պարտադիր զինվորական ծառայությունն անցած զինծառայողները: